چكیب هارای

آمان- آمان منی بیر زولف یار یاندیردی!

گؤرون منی نئجه بو زهرمار یاندیردی!

چكیب هارای، قیلیب نؤوحه ائیلرم فریاد،

نه گؤزلوسوز، منی بیر گول‌عزار یاندیردی!

قیلیب كباب منی، چكدی شیشه هر ساعت،

تؤكوب گؤزوم یاشینی، زار- زار یاندیردی

نئجه دئییم كی، منی یاندیریب نه غایتده،

مجوس آلوس و كیمی تؤكدو خار یاندیردی

او جادو گؤز، سنه قوربان، منی بو حاله سالیب،

سنه گمان كی، منی روزگار یاندیردی؟

خزان اولاندا، دئییرلر شجر تؤكر برگین،

خزانی گؤر كی، منی نو باهار یاندیردی

نه جام وصل ایچیب، نه گول مراد دریب،

عبث– عبث منی رنج خومار یاندیردی

نباتی، ائتمه شیكایت كی، اود توتوب یاندیم،

او بینوانی دا چوخ آشكار یاندیردی

نباتی