دوزگون عشق

بیر قوجا كیشی سحر تئزدن ائویندن ائشیگه چیخیب، یولدا بیر ماشین ایله تصادف ائله دی و یارالاندی. یولدان كئچنلر  اونو  تئز مریضخانایا یئتیردیلر. پرستارلار یئتیشجك قوجا كیشی نین یارالارین  باغلادیلار و سونرا  اونا دئدیلر: گرك سندن عكس گؤتورولسون  بیلك بَدنیوین هاراسی  سینیب یا صدمه گؤروبدو.

قوجا كیشی غمه دولاراق دئدی: تله سیرم، عكس سالماغا  نیاز  یوخدور.

پرستارلار اوندان تله سمه گینین علّتین  سورشدولار دئدی: آروادیم سالمندان ائوینده دیر، هر صبح اورا گئدیب صبحانه نی اون ایله بیرلیكده ییه رم. اونا گؤره ایسته میرم واختسیز اولا...

پرستارلارین بیری اونا دئدی: بیز اؤزوموز اونا خبر وئره ریك.

قوجا كیشی  غملی ایكن دئدی: چوخ تآسّفلر كی  اونون « آلزایمر » مریضلیگی واردیر، بیر زاد باشا دوشمه یه جكدیر، منیده تانیماییر.

پرستار  دویوخوب دئدی: او كی سنی تانیماییر  كیمسن، نییه هر صبح  چاغلاری ، صبحانه صرف ائتمكدن ساری اونون یانینا گئدیرسن؟!

قوجا كیشی، توتقون سس ایله  یاواشجا  دئدی:

آمما من كی بیلیرم او كیمدیر!!