بوستانچي و شاه عباس


بير بوستانچي وارايدي. بو بوستانچي كولفتيني قارپز،يئميشيله ساخلاردي. هر ايل قارپيز،يئيميش،خيار اكيردي،تاخيلا وئريب دولانيردي.

بير ايل بوستانچي چوخ ياخشي بهره گتيردي.

 بوستانچي آروادينا دئدي:

- بو ايل بوستانيميز چوخ ياخشي بهره گتيريب،قارپيزين لاپ ياخشيسيندان بير ائششك يوكو توتوب شيخ اوغلو شاه عاباسا آپاراجاغام.

آروادي دئدي :

- لاپ ياخشي اولار.

بوستانچي قارپيزين لاپ ياخشيسيندان بر خورجون ييغدي،ائششگين بئلينه آشيريب،توش ها توش - اصفهانا يولا دوشمكده اولسون،شاه عباسلا وزير آلله­وئري خان دا درويش لباس اولوب يول ايله گئديرديلر.اونلار كيشينين قاباغينا چيخديلار.

شاه عباس اوندان سوروشدو:

- آ كيشي ، يوكون ندي؟؟؟

بوستانچي دئدي:

- آغا درويش،قارپيزدي.

پادشاه سوروشدو :

- هارا آپاريرسان؟؟

بوستانچي دئدي:

آغا درويش،بو ايل بوستانيم چوخ ياخشي بار گتيريب.بونو شاه­عباسا آپاريرام.

شاه عباس دئدي :

- رحمتليگين اوغلو،جاماعات شاه عباسا لعل،جواهر آپارير،قيزيل آپارير،سن ده قارپيز آپاريسان؟قارپيز شاهين نه­يينه لازيمدي؟

بوستانچي دئدي :

- آغا درويش،اولارين گوجو لعل جواهيره چاتير،منيم ده گوجوم آنجاق قارپيزا چاتير.

شاه دئدي :

- ناحاق اذيت چكيرسن، آخي شاه اونو گوتورمز.

بوستانچي دئدي :

- آغا درويش،جانين ساغ اولسون،گوتورر گوتورر ، گوتورمز ائششگي يوكينن سوخارام اونون گوزلرينه ، چيخيب گلرم.

آلله­وئردي وزير ايسته­دي كيشيني وورسون،شاه اونون اليني توتدو.كيشيدن ايريلدلار.باشقا كسه يوللا گئري قاييتديلار.شاه عباس قيرميزي گئينيب تاختا چيخدي.امر ائله­دي، ائششگي يوكلو بير كيشي گله­جك، اونو ائششگينن يانيما گتيررسوز. بلي،يوللاري كسديلر،كيشي گليب چيخاندا، اونو ائششگينن پادشاهين باگاهينا آپارديلار.

شاه عباس اوندان سوروشدو:

- آ كيشي،يوكون ندي؟؟

بوستانچي دئدي :

- قادان آليم،شاه ،قارپيزدي.بو ايل بوستانيم چوخ ياخشي بهره گتيريب.بير بويوك سنه هديه گتيرميشم.

شاه دئدي :

- آ كيشي دلي - زاد اولماميسان؟ سن مني كيم حساب ائله­ييرسن؟خالق منه لعل، جواهر گتيرر، سن ده قارپيز گتيررسن؟؟

بوستانچي دئدي :

- شاه ساغ اولسون، اونلارين گوجو جواهره ، لعله چاتير منيم ده گومانيم، گوجوم يتيشميش، قارپيزا چاتير.

شاه دئدي :

- قارپيز منه لازيم دئيل، قايتار گئت ،يوخساسني بوغازوننان اسريرارام.

بوستانچي دئدي :

- شاه ، دا نيه آجيغون توتور. گوتورورسن،گوتور، گوتورميسن، يولدا دئديگيم اولسون.

شاه دئدي :

- ديء گوروم يولدا نه دئميسن ؟

بوستانچي دئدي :

- شاه هئچ نه،سوز ايدي اغزيما گلدي دئديم.

شاه عباس دئدي :

- كيشي،اگر يولدا نه­دئميسن، دوزون دئسن، سنن ايشي يوخ،اما اگر دوزون دئمسون واييوندي.

بوستانچي او ساعات باشادوشدو كي، درويش بو اوزو ايميش،دئدي:

- شاه ساغ اولسون،يولدا بير نفر درويش مندن سن سوروشدوغون سوزلري سوروشدو.دئديه كي شاه قارپيزلاري گوتورمز،منده دئديم كي گوتورر گوتورر ، گوتورمز ائششكي يوكينن سوخارام گوزينه ، قاييدارام .

پادشاه خزينه­داره چاغيردي اونا دئدي :

- آپار بو كيشي­نن قارپيزلارين بوشات يرينه قيزيل دولدور وئر اپارسين.

خزينه­دار بوستانچيني خزينيه اپاردي،قارپيزلاري بوشالديپ يئرينه قيزيل دولدورده ورده بوستانچي آپاردي.

وزير الله­وئرديه خوش گلمدي ، دئدي :

- شاه سنسين بو حركتين هئچ خوشوما گلمه­دي.او ورديغي بير شي لرين ارزيشي يوخ اوندان سن خورجونون دولدوردون قيزيلينان؟؟؟؟

شاه دئدي :

وزير، او كيشينن گوجو قارپيزيده ، اوندان ده منه نوباريخ گتيرير.من اوندان جواهر ايسته مغيم اغير سوز اشيتمغيم يئرينده دي .

وزير دئدي :

- من گئديب اوندان قيزيللاري الاجاغام.

پادشاه دئدي :

الله­وئردي وزير،او سن اغيلدا ادام ديير ، او اغيللي ادام دي.ايسديغون اولماز الامماسان.

وزير دئدي : من آللام . سن تاماشا ايله.

الله­وئردي وزير آتيني ميندي،باشقا يوللا گئديب بوستانچي­نين قاباغيني كسدي دئدي:

- كيشي سنه بير نچه سواليم واريدي جواب ورمسون قيزيللاري سنن الاجاغام.

بوستانچي دئدي: وزير بويور ديء .

وزير دئدي : گوئيده نئچه اولدوز وار ؟؟؟

بوستانچي دئدي: ائششگيمين توكونون سايي­سي قدر.

وزير دئدي:دوز دئميرسن/ بوستانچي دئدي:

- ائششگين توكونده ساي،گو دكي اولدوز لاري دا ، اوندا اگر دوز دئمسم بوينمي وور.

وزير گوردي اولان ائيش ديير قبول ايلدي.دئدي : بي دوزيده ميني ده گورخ،آلله هارادي؟؟؟

بوستانچي دئدي :

- اوكي چوخ آساندي،اششگين اوستونده ادين گتيرمخ جاييز ديير ان آتوننان من مينيم آت اوسته دييم سوالون جوابين.

وزير اتدان دوشده ، بوستانچي مينده.اوندادي كي بوستانچي خورجونو گوتوروپ آتي بيزليب وزيره دئدي:وزير الله­وئردي خان ، الله باخ او داغين داليندادي.

وزير قيشقيردي، باغيرده، كيشي دايانمادي.آت دييب گوزدن ايتدي.

شاه دا كي كولافرنگي دن باخيردي او قدر گولدي كي آزقالميشده باغري چاتديا.

وزير كي قالميشتي ائششگين يانيندا،شاه اونا ساري ادام يوللادي اونا دئديلر كي شاه دئيب اوتانما گلگينن .

{ من قيزيل ورميشدم آت ورمميشديم ساغول اونودا سن وردون }

 


.


ساغ اولاسوز

شاد ياشياسوز

.