منیم ده بیر سئوگیلیم وار ایدی...
نوشته شده توسط رضا غفاری
شهرین هر
گؤنكو اوزونو گؤرمك‌دن یورولموشدو.ایستر -
ایسته‌مز دنیز قیراغینا دوغرو گئدیردی.دووارلار قورو هیكل‌لر كیمی بیری - بیرینه‌سؤیكنمیشدیلر. كوچه‌لرین
قورو و اؤلموش‌تورپاقلاری گوموش كیمی
پاریلدایان شئح‌قوملارا دویونلنمیشدیر. سرین یئل اسیردی.دالغالار ایمكله‌یه - ایمكله‌یه، ساحیله باش ووران‌قاییدیردی. آیاقلاری‌نین اوجو
ایسلاناناقدرایره‌لی گئدیب دایاندی. سویون اوزونده
بیرقارالتی
گؤرونوردو، او ساكت جه سینه دالغالاری‌اوزه‌رینده
اوزانمیشیدی. بیر آز اونا توموب،دنیزدن نئچه آددیم اوزاقلاشدی.
اوزاقلاردا ماوی‌لر قوووشدوغو یئرده گونشین‌سویا جوموب بوغولماغینا
باخیب گؤلومسه‌دی.دنیزه ساری دؤننده یئنه گؤزو او قارالتی یاساتاشدی. «گؤرن كیم
ایمیش بو؟» سورغوسوگؤزلرینده اوخونان كیمی
دوداقلاری نین‌بوزولمه‌سی اعتناسیز «نه
بیلیم»
جوابینی‌بیلدیردی.
آمما بیر آز تئز گلسه‌ایدیم بلكه اونو گؤرردیم -دئییه فیكیرلشدی گنج
بیر اوغلان گؤزلری‌نین‌اؤنونده‌ایدی،
او قوملارین اوستونده یالقیزاوتوروب
دیزلرینی قوجاقلامیشدی. خورمایی‌تئللرینی یئل پؤزوب چاتما قاشلاری ییغیشیب‌توتقون
قیافه‌سینی
آرتیق كدرلی گؤستریردی، آلاگؤزلری وورولموش مارال گؤزو
كیمی‌خومارلانیب
غملی باخیشلاری اوزاق نوقطه‌یه‌دیكیلمیشدی.
بو كیم
ایمیش - دئییه‌ایچه‌ریسینده دانیشیردی.هانسی
كؤرپونون آلتیندا بوغوب سویا وئریبلرگلیب بوردان
باشی چیخاریب... بلكه‌ده دوشوب‌بؤغولوب... بلكه‌ده اؤزونو قوتارماق‌ایسته‌میشدیر...
گؤزونون اؤنونده جانلانمیش گنج اوغلانا باخیب‌گؤزلریله سؤروشدو:
نه غمه چؤلغانیبسان؟ دنیز بو گون چوخ گؤزل دیر!بیر آزدا اونا
ساری گئدیب لاپ یاخینیندا یئره‌اؤتوروب ایچه‌ریسینده دیله گلدی:
- من بو یئرده غریبم، وطنیمدن آیری دوشدویومه‌یامان داریخیرام.
گؤزونون
آلتی ایله اؤنا باخیردی، رنگی‌سؤلموشدو.
آغیر بیر آجی‌دان عذاب چكدییی‌بللی‌ایدی.
- سن نئجه؟ سن نییه داریخیرسان.
بیر آز او سویوق هیكله باخدی، او هله ده‌سوسموشدو.
- گؤروسن من نه راحات اوره‌ییمین سؤزونو سنه‌آچیرام هله اوره‌ییم
دولودور. یوخسا اوره‌ییمیزین‌سوزونو بیری
- بیریمیزدن گیزلتمه‌یه گلمز.
دالغالارین دهشتلی سسی هر یئری بوروموشدو.سرین یئل سوزالمیش گونشین ساچلارینی‌اوزاقلارداكی لپه‌لر اوسته داغیتمیشدی.
گنج
اوغلانین پاك اوره‌یی‌نین دؤیونتولرینی‌دویوردو.
اؤنو اؤزونه یاخینلاشدیرماق اوچون‌پیچیلدادی:
- بیر آی بوردا قالمالی‌یام، اوز شهریمیزه یئتیشن‌گؤن تؤی - دویون
باشلاناجاق؛ سنی‌ده بیر دوست‌كیمی تویوما چاغیرسام گله جكسن می؟
آجی بیر گولوش سویوق هیكلین دوداغی‌نین‌بوجاغیندا قورودو. آستاجا
سؤروشدو:
- آداخلی سانمی؟
- هه
آداخلی‌یام،
گؤزله‌یه‌نیم وار، سن نئجه؟
گنج اوغلان اؤوجونون آرخاسی ایله گؤزونون‌بوجاغیندان آخان غم دامجی‌سینی
سیلیب دؤنوب‌باخدی، باخیشلاریندا حسرت
دالغالانیردی.آخشامین سرین یئلی نارین قوملاری اوزونه‌ووروردو، اؤ قونور كؤینه‌یی‌نین قوللارینی‌قاتلایاراق دئدی:
- منیم ده بیر سئوگیلیم وارایدی...
بارماغی
ایله قوملاری یازیردی. باشینی قالدیریب‌چوخورا
دوشموش گؤزلرینی دنیزه دیكه‌رك:
- اؤنون ماوی گؤزلری ایستی ساحیلده ایكی‌تای‌دا دنیزه آچیلان بیر
پنجره كیمی ایدی، او آغیربیر خسته‌لیكدن عذاب چكیردی، من بونا دؤزه‌بیلمیردم.
هاوا آغیرلاشیردی؛ طبیعت گؤزللیك‌لر توتوغون‌آرخاسیندان،
قورخونج قیافه‌سینی
اوزه‌چیخاریردی.
اوره‌یی‌نین آجی لیغی گؤزلرینده‌دؤیونوردو. ایچینده‌كی هیجانلار اللرینده‌تیتره‌شیردی. گؤزلرینی گنج اوغلاندان گؤتوروب‌دالغالارین
اوزونده
قالان قارالتی‌یا دؤندردی. «كیم‌ایمیش» - دئییه فیكیرلشیب بیر آز اوجادان‌سسلندی:
آمما سن
درد ایچینده بیشمیش
آداملارااوخشاییرسان، گركدیر چتین‌لیكره
اؤیره‌نمیش‌اولاسان.
آستاجا «اؤیرنمیشم» دئییه پوزغون ساچلارینی‌گؤزونون اونوندن یانا چكن گنج اوغلان بارماغینی‌دنیزه ساری
توتوب دئدی:
- او
اوزاقلاری
گؤروسن می؟ من هر آخشام‌ساعاتلار بوردا اؤتوروب، او
اوزاقلاردا لپه‌لنن‌كیچیك دالغالارا گؤز دیكیمیشم. هر گون ساری‌تئللی
گؤنشین دنیزده
بوغولماسینی
گؤرموشم.بیردن تعجب‌له دونوب باخاراق:
- سن
هارالیسان
دئدی.
ایچه‌ریسنی هؤوشنه بورودو. سویوق بیر اوشوتمه‌اوره‌یینه اسدی. اونو
اوز دردی‌ایله تانیش بیلمه‌دیینیی آنلاییب استاجا دئدی:
- اؤزگه دئییلم، من ده بو غم دنیزی‌نین‌ساحیللرینده
یاشایانلاردانام. هله...دئدین
اوخسته‌لیكدن
جان قورتاردیمی؟
سازاقلی
كولك گؤنشین سولموش تئللرینی‌دنیزدن
اوزاق، قارانلیقلارا سؤووروردو. آجی
بیرسس اونو دیكسیندیردی:
- هه
قوتاردی!
اونو علاجسیزلیقدان آلمانیایاآپاردیلار. من مین اومودلا اونو یولاسادیم. اوچاق‌گویه قالخاندا اونا ال قووزادیم... اوچ هفته‌گؤزلریم یولدا
قالدی. بیر
گون آخشام گون باتان‌چاغی آناسی گلدی، الینده بیر
كؤینك‌ده‌گتیرمیشدی.
منی گؤرن كیمی گؤزلری دولدو.ایكیمیزده آغلاشدیق
الینده كی كؤینه‌یی‌گوستریب دئدی؛ بو كؤینه‌یی سنه آلمیشدی -
بیرده دئمیشدی، سنه
دئییم سون
نفسلرینده‌ده سنی‌اونوتمانیشدی. ایندی من نئجه اؤنو
اونودا بیلرم؟
گنج
اوغلانین گؤزلرینده یاش گیله‌لندی، یانیقلی‌سینه‌سیندن
درین بیر آه چكیب سوسدو.
سویون اوزونده كی قارالتی ساحلیدن‌اوزاقلاشیردی. سویون اوزه‌رینده
گینه «نه
بیلیم»دئیه
جواب وئردی. آیاقلاری ایسلانمیشدی.دالغالار آیاغی‌نین
اوزونده آریییب قوملارلاپیچیلداشیردی. شهره ساری دؤنوب. ساحیلدن‌اوزاقلاشدی. سماسیز اوزای بوغونتو بیر
قارانلیق‌ایچینده ال - آیاق چالیردی، دنیزدن حزین
بیراوخوماق
سسی ائشیدیلیردی:
اوچوبدور سئوگیلیم جنت باغینا
اونونلا من قاناد چالا بیلمه‌دیم
آلا گؤزلرینی یومدو دونیادان
نئیله‌ییم قاداسین آلا بیلمه‌دیم
گلدی وای خبرین غریب اؤلكه‌دن
گؤرسه‌یدیم دئیردیم هارا گئدیرسن
دؤیونجا گؤرمه‌دیم جمالینی من
قولومو بوینونا سالا بیلمه‌دیم
سئودا گویلرینده بولودا دولدون
آچیامیش غنچه تك سارالیب سؤلدون
بیلمیرم هارایا كؤچمه‌لی اولدون
سن سیز بو دونیادا قالا بیلمیرم
یئنه ده اوره‌یی چیرپینماغا
باشلادی، دؤنوب‌ساحیله باخدی. ساحیلدن اوزاق
سویق اوزونده بیرقارالتی ساكت جه‌سینه دالغالارین اوزه‌رینده‌اوزانمیشیدی. گؤرن كیم‌ایمیش؟ دوداغی
آلتیندا«نه‌بیلیم» دئییب، قورو تورپاقلی
كوچه‌لرین‌دؤنگه‌لرینده
گؤزلردن ایتدی. كوچه‌لرین سس‌سیزلییی هئچ
نه‌یی خاطیرلاتمیردی
