باخیش
پنجشنبه 23 شهریور 1391
بؤلوم | یازار : ماكولو هاراي

گوزلر گوزلريم.


تيكميشم گوز راهه بر جلادي گوزلر گوزلريم

دامه دوشميش صيدتك صيادي گوزلر گوزلريم

يوخسه ديرسيز زاهدم من اولموشام خلوت‌نشين

اول صنمدن اوتري بو بربادي گوزلر گوزلريم

بيستون داغين گيدوب گزمك دگل منظورميز

نقش شيرين تك همان فرهادي گوزلر گوزلريم

تا ائدوب عكس جمالين سينه‌مي لوح خيال

ششدر حيرتده برنرّادي گوزلر گوزلريم

برق عشقين آتش سوزانه ياخميش باغرمي

ياش توكنده دجله‌ي بغدادي گوزلر گوزلريم

مكتب عشق ايچره تا ايتسون مني كامل عيار

اولموشام پا بسته براستادي گوزلر گوزلريم

قويميم تا اوندان اوزگه كيمسه بو ويرانه‌ده

روز و شب بو خاطر ناشادي گوزلر گوزلريم

پرتو مهر روخوندن تاكي بيلسون بير نشان

هر طرف سيران ائدوب هرياني گوزلر گوزلريم

جملهي قرآن كتابي ائيله مكدن الورق

اوزگه مطلب يوخ همين بير آدي گوزلر گوزلريم

محمل ليلي «نباتي» گوزدن اولدو ناپديد

من نه مجنونم كي بو اوتادي گوزلر گوزلريم

سيّد ابوالقاسم نباتي