باخیش
چهارشنبه 18 اردیبهشت 1392
بؤلوم | یازار : ماكولو هاراي

دوزگون عشق

 

بير قوجا كيشي سحر تئزدن ائويندن ائشيگه چيخيب، يولدا بير ماشين ايله تصادف ائله دي و يارالاندي. يولدان كئچنلر  اونو  تئز مريضخانايا يئتيرديلر. پرستارلار يئتيشجك قوجا كيشي نين يارالارين  باغلاديلار و سونرا  اونا دئديلر: گرك سندن عكس گؤتورولسون  بيلك بَدنيوين هاراسي  سينيب يا صدمه گؤروبدو.

قوجا كيشي غمه دولاراق دئدي: تله سيرم، عكس سالماغا  نياز  يوخدور.

پرستارلار اوندان تله سمه گينين علّتين  سورشدولار دئدي: آرواديم سالمندان ائوينده دير، هر صبح اورا گئديب صبحانه ني اون ايله بيرليكده ييه رم. اونا گؤره ايسته ميرم واختسيز اولا...

پرستارلارين بيري اونا دئدي: بيز اؤزوموز اونا خبر وئره ريك.

قوجا كيشي  غملي ايكن دئدي: چوخ تآسّفلر كي  اونون « آلزايمر » مريضليگي واردير، بير زاد باشا دوشمه يه جكدير، منيده تانيمايير.

پرستار  دويوخوب دئدي: او كي سني تانيمايير  كيمسن، نييه هر صبح  چاغلاري ، صبحانه صرف ائتمكدن ساري اونون يانينا گئديرسن؟!

قوجا كيشي، توتقون سس ايله  ياواشجا  دئدي:

آمما من كي بيليرم او كيمدير!!