باخیش
پنجشنبه 23 شهریور 1391
بؤلوم | یازار : ماكولو هاراي

چكيب هاراي


آمان- آمان مني بير زولف يار يانديردي!

گؤرون مني نئجه بو زهرمار يانديردي!

چكيب هاراي، قيليب نؤوحه ائيلرم فرياد،

نه گؤزلوسوز، مني بير گول‌عزار يانديردي!

قيليب كباب مني، چكدي شيشه هر ساعت،

تؤكوب گؤزوم ياشيني، زار- زار يانديردي

نئجه دئييم كي، مني يانديريب نه غايتده،

مجوس آلوس و كيمي تؤكدو خار يانديردي

او جادو گؤز، سنه قوربان، مني بو حاله ساليب،

سنه گمان كي، مني روزگار يانديردي؟

خزان اولاندا، دئييرلر شجر تؤكر برگين،

خزاني گؤر كي، مني نو باهار يانديردي

نه جام وصل ايچيب، نه گول مراد دريب،

عبث– عبث مني رنج خومار يانديردي

نباتي، ائتمه شيكايت كي، اود توتوب يانديم،

او بينواني دا چوخ آشكار يانديردي

نباتي