یاحسین (ع)! ( تركی )

جانیم  اولسون  سن تكی  انسانـه  قوربان  یا حسین(ع)!

ائیـله ییبسن  عالمی  باخ گؤر  نه  حئیران  یـاحسیـن(ع)!

كیـم  كئچـَــر   اهل و عیـالینـدان  بـو  شـور  و  حـال ایـــله

وار یـوخـون  بیــر گـونده  ائیـلَـر  دینه  قوربان یا حسین(ع)!

قهرمان سن سن  شرف دریاسی سن سن عشق سن !

نوح  سن سن  روح  سن   دور ائیله  توفان  یا حسین(ع)!

بـاغــریم  اوْدلانـدیقجا  هــر  لحظـه   یئـــــری وار  آغـلایـام

گـؤزلریم  ای كـاش   یاغئیدی  قْرمْزی  قان  یا حسین(ع)!

نیـزه  اوستـــه  آل قـانیـن  حـلقینـدن  آخـدیـقجا  بـو گــون

عـرصـه ده   آغلار  سنه  شمشیر  و  پیكان یا حسین(ع)!

نئیله ایــم  بیـــر حـالـداكــی  دردیـن  دوشونـدوكجه  قـلـم

اختیـار  الـدن  آلیـب  فـوری  یـازیــر  : جـان  یا حسین(ع)!