بیر بت مه پیكری

آه كی، گؤردوم گئنه بیر بت مه پیكری،

مو- كمر و غنچه لب، گول رخ و شوخ– منظری

بیر صنمی شوخ و شنگ، سیم– بر و لاله رنگ،

زولف سیاهین گؤرن ناره یاخار عنبری

نافه‌ی آهوی چین سنده دیر، ای نازنین،

باد صبا تك عبث ائتمه منی سرسری

گئتدی الیمدن، اینان، ساقی، آماندیر، آمان،

باغریمی قان ائیلمه، وئر منه اول ساغری!

هیكل جان دیر بوس اؤز حیرض یمانی كیمی،

سانما كی، افسانه دیر، حفظ ائله بو گؤوهری

كؤنلومون آیینه سی ژنگ غم آلمیش گئنه،

دور، سنی تاری، گتیر نسخه‌ی اسگندری

پرده اوزوندن اگر سالسا منیم دیلبریم،

ترك قیلر بت پرست بتكده‌ی آذری

جام مئی عشقدن دایم اولور بی نصیب،

اولمایا تا عاشیقین مشقی روخ دیلبری

مات قالیر متصل بادییه‌یی تیهده،

اولمایا تا سالیكین خیضر كیمی رهبری

كاغذ زركش گتیر، وئر منه زرین قلم،

تا كی، من انشاء قیلیم عشقده بو محضری

چونكی تامام ائیله‌دیم من بو طربخانه‌نی،

حاضر ائدین سیز او دم مانی‌یی صورتگری

اوندا منیم شكلیمی، صورت دیلداریمی،

نقش ائده بو صفحه ده، شاد ائده بو كافری

گئتدی نباتی اؤزو، قالدی سؤزو یادگار،

عاشیق اولانلار گزر، آختاری بو دفتری

سیّد ابوالقاسم نباتی