قوربان اولوم ( نباتی) - شعر تركی

دینمه میش دئییرسن: آی ندیر، ندیر؟

باشیم چیخماز منیم سنین دیلیندن،

بویور گینن گؤروم آی ندیر، ندیر؟

قوربان اولوم اوزوندكی هیلاله،

غمزه اوخون میندیر گینن هئی یایه،

نه باخیرسان مارال كیمی هئی آیه؟

جمالین یانیندا آی ندیر، ندیر؟

گؤزوم قان كاساسی، اورییم شیشه،

منی كاباب كیمی چكمیسن شیشه،

رقیبی گؤروم كی، دام كیمی شیشه!

ایللر ایللر چكه، آی ندیر، ندیر

نه باخیرسان او سلطانه، بو خانه؟

چوخ آداملر گلدی گئتدی بو خانه

گئنه بو گون ایشیقلانیب بو خانه،

بیلمیرم گؤرونن آینه دیر ندیر؟

حمد اولسون آللاها، گئتدی آ چیلله!

نباتی، آز قالدی گوللر آچیله،

بو مشكولوم، یارب، كیمدن آچیله؟

یار دستینده توتان آینه دیر ندیر؟

نباتی