باخیش
پنجشنبه 23 شهریور 1391
بؤلوم | یازار : ماكولو هاراي

قوربان اولوم ( نباتي) - شعر تركي


باشينا دؤندوگوم، بو نئجه حالدير،

دينمه ميش دئييرسن: آي ندير، ندير؟

باشيم چيخماز منيم سنين ديليندن،

بويور گينن گؤروم آي ندير، ندير؟

قوربان اولوم اوزوندكي هيلاله،

غمزه اوخون ميندير گينن هئي يايه،

نه باخيرسان مارال كيمي هئي آيه؟

جمالين يانيندا آي ندير، ندير؟

گؤزوم قان كاساسي، اورييم شيشه،

مني كاباب كيمي چكميسن شيشه،

رقيبي گؤروم كي، دام كيمي شيشه!

ايللر ايللر چكه، آي ندير، ندير

نه باخيرسان او سلطانه، بو خانه؟

چوخ آداملر گلدي گئتدي بو خانه

گئنه بو گون ايشيقلانيب بو خانه،

بيلميرم گؤرونن آينه دير ندير؟

حمد اولسون آللاها، گئتدي آ چيلله!

نباتي، آز قالدي گوللر آچيله،

بو مشكولوم، يارب، كيمدن آچيله؟

يار دستينده توتان آينه دير ندير؟

نباتي