0
باخیش
شنبه 11 شهریور 1391
داستان تركی
بؤلوم | یازار : ماكولو هاراي

داستان تركی

در بلادی دور، مردی تنها، احوالش به جنون قرین گشته بود. باری از اهالی شهرو روستا و ایل و طایفه دل بریده بود و به خلوتی روزگار می گذراند.

 

اوتورموشدی قیراقا بیر یورناق كیشی

رنگی بوز، دوداقی قورری

دونیادان داهی كَسمیشدی بورری،

معلوم اولمازدی یازودان قیشی

فرق ادمزیدی شام و گوندوزی

نه كیسمی معلوم نه آدلی ایشی

 

روزی در كنار  اجاق خاموشی از جور روزگار با خود نجوا می كرد و از دیده اشك بر خاكستر می فسرد،

 

داغ دان اوجه دیر اورگیم دردی

نه بیر لعن اِدَن،

نه یادا سالان

نه بیر ایل دان قالان مادیان گردی.

 

گاه دِردی سوزی بیر قارا داشا

گاه گَچَن سوزی ایدیردی حاشا

 

از سوز سخن مرد، سنگ اجاق به سخن لب گشود.

0
باخیش
شنبه 11 شهریور 1391
دده قورقودون آتاسوزلرى
بؤلوم | یازار : ماكولو هاراي

دده قورقودون آتاسوزلرى

آذربایجان ادبیاتنین ان قیمتلی و ان معظم آبیده سی «كیتاب دده قورقود»توركلرین ادبیات ساحه سینده ان اونملی یازیلاریندان بیری سایلیر.خالق عادت –عنعنه لرینی ؛اینام و گوروشلرینی بدیعی بیرشكیلده عكس ائتدیرن بومحتشم آبیده ده توركلرین ایسلامدان اونجه و ایسلامین ایلك چاغلارینا عاییت یاشایش بیچیملرینی بویازیلن ایزلرینی آلماق وگورمك مومكوندور.اوغوزخالقنین یاشایشلارینین بوتون آلانلارینا ایشیق توتان اثرده بیرچوخ بدیعی اوزلیكلرله قارشیلاشماق اولاركی هربیری اوزلوگونده بیر آراشدیرما ساحه سی سایلیر.
بوآرادا “آتاسوزلری” خالق ادبیاتنین ان گئنیش و ان اسكی وارلیقلاریندان بیرسی اولدوقوندان ان اسكی دوورانلاردان بری بوتون یازیلی ادبیاتیندا و آغیزدئیشنده اوزه ل بیر یئره صاحیب دیر.”آتالارسؤزلری”ائلین آغ ساققالارنین و مودریكلرنین ؛گلجك نسیللره آختاردیقلاری و سویلدیكلری حیات تجربه لری گوردوكلری اولایلاردان و ایشلردن ویاشایشدان درسلر اولارق؛ قیسا سوزلرله ایضاحی دیر كی دونیا گوروشلو كیشیلرینین دویغو و دوشونجه لرینی و اونلاری ایشلدنلرینی قیوراق ذكالیلارین گوسترگسی سایلیر.آتاسؤزلری ؛خلق حیكمتلری و خلقین فلسفه سی دیر

2
باخیش
جمعه 10 شهریور 1391
بایاتی‌لار - اشعار تركی
بؤلوم | یازار : ماكولو هاراي


بایاتی‌لار


عزیزینم قار، قالار
ساوالان‌دا قار، قالار
بولبول كؤچوب باغ‌لاردان
یئرین آلیب قارقالار




آشیغام درنده گول

گؤزله وئرنده گول
مردی گؤرنده آغلا
نامردی گؤرنده گول

0
باخیش
جمعه 10 شهریور 1391
(حق ما - شعری از هوشنگ جعفری - اشعار تركی
بؤلوم | یازار : ماكولو هاراي

حاققیمیزی/هوشنگ جعفری زنگانلی

(حق ما/شعری از هوشنگ جعفری)
بوزا یازمیشدی قیز اوغلانلی بیزیم حاققیمیزی
اریدیر بیر بئیینی قانلی بیزیم حاققیمیزی
بابا پایلیر یاز یئلی تك كوللارا یارپاقلاریمی
دیلی آغزی الی قرآنلی بیزیم حاققیمیزی
نییه گؤیلرده بولوددان ال آچیب آلمیرسان
ساوالان ای باشی طوفانلی بیزیم حاققیمیزی
قویمایین بارماغی حسرت قالا بال بارداغینا
یاخمایین كوللارا شان – شانلی بیزیم حاققیمیزی

0
باخیش
جمعه 10 شهریور 1391
دار آغاجی - ابیلفضل نصیری - اشعار تركی
بؤلوم | یازار : ماكولو هاراي

دار آغاجی

بیر جاوان آغاج اكیب ،
 آغاجینا باش چه كیب ،
 كئشیگینده دوراردی ،
واختیندا سویاراردی ،
اونی هر گون اوپردی ،
اوپوب بئله دییردی :
«بار وئرنده بو آغاج
تامارزیلار قالماز آج »
 اودیین تك اولمادی
آرزو یئرین آلمادی

7
باخیش
جمعه 10 شهریور 1391
شعر وطن - آذربایجانیم - اشعار تركی
بؤلوم | یازار : ماكولو هاراي


شعر وطن

-----------------------------------

بو منیم وطنیم، بو منیم ائلیم

جانیمدان عزیزدیر توپراغیم دیلیم

آل قانا بویانسام یادا ساتمارام

شرفیم وطن­دیر بیر آن آتمارام

آنامین قانی­دیر آخان قولومدا

دؤیوشه گئده­ رم وطن یولوندا

قوربان­دیر بو خالقا بو یوردا جانیم

باشی اوجا یاشاسین آذربایجانیم

آذربایجانیم



0
باخیش
جمعه 10 شهریور 1391
بیلمه دیز هئچ – هوشنگ جعفری
بؤلوم | یازار : ماكولو هاراي

بیلمه دیز هئچ – هوشنگ جعفری

(هیچ نفهمیدید – شعری از هوشنگ جعفری)

گئجه تا صبح آچیلینجا مه له دیم بیلمه دیز هئچ
اوره گین قانینی گؤزدن اله دیم بیلمه دیز هئچ
گون چیخان واختا ییغیشدیز بیر آغاج كؤلگه سینه
اویدوز اول ده اورك دن قارا بایقوش سه سینه
اویانان اولمادی بیر كیمسه آغاج شیهه سینه

ترجمه به فارسی:

شب تا سحر آه و ناله كردم نفهمیدید
خون دل از چشمانم روان شد نفهمیدید

در هوای آفتابی زیر سایه درختی جمع شدید
مست نغمه جغدی شدید
هیچ كس بیدار نشد از صدای درختها


0
باخیش
جمعه 10 شهریور 1391
چال عاشیق - اشعار تركی
بؤلوم | یازار : ماكولو هاراي

چال عاشیق

چال عاشیق سازینی، اوره گیم دولوب
بعضا اینسان ایچون درمان بو اولور
سازین نغمه لری آخسین كونلومه
یوخسا چیچكلریم عطش دن سولور

چال عاشیق سازینی، بلكه سازیندا
اومودسوز حیاتا بیر اومید تاپیم
گل عاشیق سازیندا صبردن دانیش
بلكه دؤزمك درسین آغزیندان قاپیم

بیلیرسن آی عاشیق دردیمیز بیردیر
گل گئدك سازیندا عشق دن دانیش
سیم لرین دیلی ایله خلقی هارایلا
گل بو درده منله بیرلیكده یانیش

0
باخیش
چهارشنبه 8 شهریور 1391
پیشیك له رین تانری سی
بؤلوم | یازار : ماكولو هاراي

پیشیك له رین تانری سی


اوشاق لار كیلاسی نین ان ایستعدادلی و چوخ سئودییم اوشاق لاریندان بیری سی گوزل قیزیمیز شبنم ایدی. او منیم كیلاسیمدا اولدوغو واخت 11-12 یاش لاریندا و بئشینجی كیلاس دا اوخویوردو. سون درجه ایستعدادلی و چالیشقان قیزا گله جك ده چوخ اومودوم واردی. آمما تاسوفله آمان سیز اولوم بو گوزل بالانی چوخ كیچیك یاش لاریندا آرامیزدان آییردی. شبنم كیلاس لاریمیزدا بیر ناغیل دا یازمیشدی، بلكه اوخودوغو، ائشیتدییی و یا گوردویو بیر حئكایه دن ایلهام لانمیشدی، آمما ساده و اوز اوشاق دیلی ایله یازدیغی اوچون او قدر سئومیشدیم كی، اونو او واخت لار حاضیرلادیغیم درسلیك ده گتیرمیشدیم. او درسلیك له ره باخاركن شبنم‏ی خاطیرلادیم و اونون عزیز یاد و خاطیره سی اوچون اونون یازدیغی حئكایه نی بورادا وئرمك ایسته دیم...